奇香冰室 (已易手) 新餐厅

今日啱啱嚟开何文田出差，即刻谂起胜利道上呢间有名食豉油西餐：火腿茄汁烩意粉嘅老店，系𠮶啲旧港式茶记，煮到腍哂用豉油嚟吊味嘅火腿烩意粉，就系所谓嘅豉油喇！今时今日，仍然保留细个嘅时候食嘅𠮶种旧味道，不过老实讲，其实唔系特别好味，但当然绝对唔系差，更重要系特别有人情味！老板见到十个客人入嚟，起码超过一半可以叫得出佢哋名，仲会鸡啄唔断倾一大轮。今次嚟讲，啲意粉唔算太腍，炒得好干身又有咬口，绝对系家庭式嘅美味！另外，好开心今日巧遇猫店长出嚟巡舖！