元朗冰室

营业中

休息中

工作关系，今日去咗深水埗揾食。行咗好几间舖头，结果揾到呢一间餐厅，入面坐满咗食客。见到餐牌上边大多数都系猪扒面或者饭，先发现呢一间系猪扒专门店。不过今日冇特别想食猪扒，见到有叉烧意粉，所以就叫咗。叉烧都几腍，通粉都正正常常。叉烧有蜜汁，亦都有少少焦香味，调味都适中，唔会好咸，亦都唔系好干身，整体都算满意。要赞一赞杯奶茶，都真系几好饮，茶味都几浓，同埋杯饮品好够热。因为系新年期间，好多食客同餐厅员工拜年，大家嘘寒问暖，成个环境嘅氛围都好温馨。可能系因为小区嘅关系啦，感觉都几有人情味。整体嚟讲呢间餐厅都值得再次帮衬。