川味娘子

营业中

休息中

住南区咁耐，间唔中都钟意去鸭脷洲大利食下嘢贪全部都系店仔 好有情怀咁啱见到新开张 店长又好热情当然要帮衬下❣️酥脆鸡软骨一份都好多 炸粉好薄身 果然粒粒都好酥脆店员仲好贴心问我钟唔钟意食孜然粉我咁重口味当然啱晒啦！❣️凉拌莴笋丝个汁酸酸甜甜 仲有少少红灯笼椒食落好清爽开胃❣️杏汁猪肺汤店家有三款炖汤供应 不过真系好抢手一路食一路听到有熟客致电留汤而且都见到有街坊专程嚟饮汤食个蒸饭果然个炖汤好足料又浓郁杏仁味浓 猪肺见到有少少金黄色而且仲有几饭鸡脚屋企人表示满意❣️招牌手撕鸡例牌都已经好大碟 酸酸甜甜嘅酱汁仲有紫洋葱 青瓜 芫茜增加口感同味道层次鸡丝肉质弹牙❣️凤爪排骨煲仔饭呢个压轴出场 即叫即整做咗几下年人先发觉自己唔识食煲仔饭原来最后要加茶先整到层饭焦出嚟😂当我不断掘嘅时候店长就出手了煲仔饭个饭底唔会好油～饭整到刚刚好唔会太软唔会太硬而且排骨都好足料店长仲请咗我地饮罗汉果茶清下热气添🩷