村爺爺車仔麵 (已搬遷) 新店位置

广华睇中医日。睇完赶住返工 油麻地达人介绍我去食龙虾车仔面 广华行去唔洗10分钟 方便 正！小店细细 贴满周刊专访和名星照片 原来小小店都咁出名～达人话必试龙虾汤 其实仲有秘制猪骨汤 但我好有兴趣 叫左极上特浓龙虾汤伊面配累毛猪芦笋卷 再自选3个配料。黑毛猪芦笋卷～黑毛猪肉味好浓 质地几软 芦笋好嫩 一点渣都冇 配埋芝麻酱 好yummy!! 配料拣左猪大肠 顶级蚝油花菇 腐皮墨鱼手指～花菇真是无得弹 入味而且炆到好腍好滑 真是超赞！墨鱼手指新鲜炸起 香脆弹牙 粒粒墨鱼粒。猪大肠好干净 有咬口。登登登登～车仔面有伊面食已经好惊喜 伊面仲要烟韧弹牙 唔会过熟。龙虾汤系真·特浓。好香龙虾味 鲜甜 咸度适中 配上伊面系好好味。虽然只是快食一个车仔面 但都感受到街坊之间既人情味～ 持有长者咭 全日$16元 有一大碗面 逢星期一 仲$10！呢位'村爷爷'真是有人情味 我决定下次再覆诊 要过来支持支持。