麥田冰室

营业中

休息中

收工时间攰攰地，已经唔想煮饭啦，一于买两个饭盒返屋企食啦，见到呢间冰室，系新开张嘅，一于试吓味道如何啦，里面嘅环境唔算好大，但系胜在十分之有亲切咁，而且老板娘都倾得几句架，有一种街坊嘅人情味。今晚叫咗呢一个粟米班腩饭，份量10分十分之多，一个人真系食唔晒呀，斑腩完全唔会有雪藏嘅味道，而且上边林左啲粟米汁，送返特别好味，喺呢个秋凉嘅天气，食到一味热辣辣香喷喷嘅粟米班腩饭，十分之窝心。凉瓜斑腩饭，细细个唔钟意食凉瓜，但系人哋话如果你经历得多左，食凉瓜就会变得甘甜㖞，原来系真㗎，而家大个越嚟越钟意食凉瓜，清热得来，又健康，火腩肥瘦适中，而且食到师傅有大酒楼厨师嘅手势，够晒镬气啊。