影片
更多
2018-05-14
171 浏览
母亲节正日，同女儿及节日主人翁，一家三口去左呢间位于长沙湾嘅卡莎338食晚饭。地点唔难揾，地铁A2出口直行十零分钟就到，餐厅外貌好有bar的感觉。虽然路程唔远但适逢当日都几热，所以一坐低攞餐牌嘅同时，亦要求先放底几杯水饮下，结果呢三杯水前后要叫左三次，共约十分钟左右先到，仲要只得半杯？算！食野先系主题，叫野食先。睇下餐牌非常简洁，我地亦唔啰嗦就点左个二人餐试下。餐汤要左一红一南瓜汤，红汤无咩特别，相反个南瓜汤就完全系龙虾汤嘅味，我估计连侍应自己都记错左，不过味道系几好嘅。虽然套餐内已经附有两只韩国金蚝，与此同时亦见到台面上有特价10蚊只生蚝做紧推广，所以亦都顺便叫左四只试下。两款蚝上左台试食后，其实两款都唔差，不过食过跟餐果只后，你会好明白点解推广果只会系十蚊只，因为口感都已有明显分别了。接住系套餐中嘅咸猪手及小食，咸猪手几有惊喜，脆口但肉质又保持到唔干身，口感真系唔错。至于主菜我地点左个十六安士斧头扒要六成熟。上台见到真系大过我家小姐只手好多，视觉效果就真系赢哂；可惜食落就越食越唔对路，因为每再向扒嘅中心位切割，难度就越嚟越大。点解？因为块扒除左个边之外，其余大部份都无六成熟，而且越
虽然路程唔远但适逢当日都几热，所以一坐低攞餐牌嘅同时，亦要求先放底几杯水饮下，结果呢三杯水前后要叫左三次，共约十分钟左右先到，仲要只得半杯？算！食野先系主题，叫野食先。
睇下餐牌非常简洁，我地亦唔啰嗦就点左个二人餐试下。
餐汤要左一红一南瓜汤，红汤无咩特别，相反个南瓜汤就完全系龙虾汤嘅味，我估计连侍应自己都记错左，不过味道系几好嘅。
虽然套餐内已经附有两只韩国金蚝，与此同时亦见到台面上有特价10蚊只生蚝做紧推广，所以亦都顺便叫左四只试下。两款蚝上左台试食后，其实两款都唔差，不过食过跟餐果只后，你会好明白点解推广果只会系十蚊只，因为口感都已有明显分别了。
接住系套餐中嘅咸猪手及小食，咸猪手几有惊喜，脆口但肉质又保持到唔干身，口感真系唔错。
至于主菜我地点左个十六安士斧头扒要六成熟。上台见到真系大过我家小姐只手好多，视觉效果就真系赢哂；可惜食落就越食越唔对路，因为每再向扒嘅中心位切割，难度就越嚟越大。
点解？因为块扒除左个边之外，其余大部份都无六成熟，而且越近后方有脂肪位置就越生，大家可以睇下以下图片，到底系六成熟定两成都掹掹地？
基本上块扒只食到三份一多少少，真系好浪费，于是向侍应反映问题，佢地只表示抱歉并送左5张生蚝劵俾我，但完全唔谂下点样解决我仲有三份二块扒食唔到嘅问题。唉！
我由反映问题果刻，都唔系打算谂住要R咩著数，只希望佢地处理下点解决我果三份之二块扒，当然最后都系无处理到，唯有当减肥食少啲。
最后，问下女儿食唔食甜品，顺便order埋餐茶。女儿想食心太软雪糕，我就同太太点左杯冻柠茶同热柠蜜。落完单无耐，侍应又好识做攞哂野嚟叫我埋单，之前要柯打咩都无人或好迟先有人应，我无叫埋单时佢地又咁自动波㖞？又算！我就打算起码都上埋啲甜品餐茶先再埋单，而张单亦间接成为左我时间证人。
Last order我喺晚上8点32分落单，个甜品可能要花啲时间，所以耐少少要落单后半个钟先到；但我同太太嘅饮品，冻柠茶加热柠蜜，全后要经过三个唔同侍应通传，再需要合共约廿五分钟先至出现到，唔知仲以为要等埋柠檬喺树上熟跌落地后，先至有得我地饮。
讲番个甜品，做形可以而味道不过不失啦！
总括嚟讲，感觉佢地食物嘅水准唔系好稳定，但又未至于系差嘅，不过招呼方面，侍应们嘅态度其实唔错，但人手不足令其他应该有嘅优点，都被呢点掩盖哂。希望佢地喺呢方面真系好好检讨一下。
张贴
