Outback Steakhouse (愉景新城) (已結業)

好难得呢间餐厅人手不足都保持服务质素，值得大赞。今晚叫咗我最钟意嘅炸洋葱花球，仲有炸蘑菇同埋Nachos。另外加咗个吞拿鱼沙律同埋朱古力脆脆蛋糕做甜品。我记得当年第一次食洋葱花球非常有惊喜而且真系好大个洋葱，衣家虽然缩晒水不过仍然系好滞嘅，我通常会叫佢比多一个酱我用嚟点洋葱花球。炸蘑菇都好食，保持水准咁啦，呢啲大型连锁餐厅通常品质比较稳定有保证，不过个Nachos就强差人意唔系好掂，最重要系d酱太少，尤其是个sour cream，根本唔够点。吞拿鱼沙律质素亦可以，其实呢个沙律我系第一次食，好彩d吞拿鱼都算可以。最后个朱古力脆脆蛋糕加$30多一球雪糕，都几大球，不过原来呢个蛋糕本身系有雪糕跟埋嘅，不过当然细好多。呢个朱古力蛋糕麻麻地，可以唔洗浪费quota。