滑嘟嘟

营业中

休息中

呢间甜品舖系位于大埔熟食中心出名既糯米糍🥰 几年前食过两次 觉得几好食 想回购 可惜疫情之后 去过好多次 想买返屋企孝敬娘亲 但都撞啱佢冇开门🥲 虽然门口个牌营业时间写住除咗星期一每日都至少开1200至到2000 但系始终系小店 返工时间应该都好有弹性😅店舖主要分咗两边 入边就系买糯米糍 另一边就系食其他甜品 例如芝麻糊 滑嘟嘟香芒乐园等既芒果甜品😺 行到去门口店员都有好清晰嘅指示 就系买其他甜品唔驶等 即买即食 如果买糯米糍要先攞飞 每一张飞可以买12粒 如果要买多个12粒就要攞两张飞啦😮 客家糍粑 (花生+芝麻)有分两个size 三粒同埋六粒拣 以前三粒买两盒系会贵过一盒六粒 但系而家完全冇分别所以我就买咗四盒三粒嘅返屋企啦🤓 价钱就比一两年前贵咗 而且size都细粒咗 但系食物质素同以前一样好🐷 糯米糍嘅皮好软身 每一啖咬落口到有糯米嘅烟韧 馅料方面就冇得拣花生定系芝麻嘅 因为已经预先捞匀咗 每一粒都有花生同芝麻馅系入面😗 对于我呢啲选择困难症又想食花生又想食芝麻嘅为食猫嚟讲 其实都系一件好事 不过可能有人会唔食是但一样 咁个选择就少咗好多啦如果咁啱行开大埔嘅话 我谂我都会再买返