影片
更多
2018-02-23
20 浏览
大年初七，人日，阿妈知我仲未开工，就一早叫埋我去太子𠮶头佢去开𠮶间粤曲社听佢操曲，顺便跟班 Uncle、Aunt拜下年。老实讲，粤曲我就唔多识欣赏，反而，我对楼下𠮶间日本拉面有兴趣得多。所以，我等阿妈唱够之后，就捉埋佢落去食拉面。 听完班长者操曲，真系需要揾个地方清静一下。真系好! 新正头呢个午市时段唔多人，可以静一静。如果是我一个人来的话，我实会拣去坐呢啲自闭位添。 店员好礼貌解释完点样用部平版之后，我就开始拣嘢食。阿妈见我笃来笃去觉得好新奇，仲话家下叫嘢食唔识用电脑咪无得食? 我答佢，无咁夸张，唔用平版，仲可以写纸仔。 笃笃笃笃，就拣好咗要食咩饮咩喇，好方便。 【桂圆姜母茶 $20】、【日本抹茶牛奶 $20】、【日式炸鸡块 $20】一嚟就整杯【桂圆姜母茶】俾阿妈先，佢唱咗咁耐，俾佢润番把声就至啱。佢饮咗之后话好润喉、好舒服。跟住就系我杯【日本抹茶牛奶】，少少甜，抹茶味好香，奶味都好够，饮落都唔错。仲有就系个即炸嘅【日式炸鸡块】，热辣辣，香喷喷。阿妈要保住把声，只吃一块，话啲炸粉厚咗少少。其余的我唔客气了，俾我清晒佢。我觉得肉质都好嫩，炸得好松化，腌得又入味，点埋个甜辣汁仲好食! 【
听完班长者操曲，真系需要揾个地方清静一下。真系好! 新正头呢个午市时段唔多人，可以静一静。
如果是我一个人来的话，我实会拣去坐呢啲自闭位添。
店员好礼貌解释完点样用部平版之后，我就开始拣嘢食。阿妈见我笃来笃去觉得好新奇，仲话家下叫嘢食唔识用电脑咪无得食?
我答佢，无咁夸张，唔用平版，仲可以写纸仔。
笃笃笃笃，就拣好咗要食咩饮咩喇，好方便。
【桂圆姜母茶 $20】、【日本抹茶牛奶 $20】、【日式炸鸡块 $20】
一嚟就整杯【桂圆姜母茶】俾阿妈先，佢唱咗咁耐，俾佢润番把声就至啱。佢饮咗之后话好润喉、好舒服。跟住就系我杯【日本抹茶牛奶】，少少甜，抹茶味好香，奶味都好够，饮落都唔错。仲有就系个即炸嘅【日式炸鸡块】，热辣辣，香喷喷。阿妈要保住把声，只吃一块，话啲炸粉厚咗少少。其余的我唔客气了，俾我清晒佢。我觉得肉质都好嫩，炸得好松化，腌得又入味，点埋个甜辣汁仲好食!
【日式豚肉煎饺子 $18】
今次阿妈就赞饺子皮薄，只只煎到金黄色，层皮有少少脆兼带点香口，咬落去仲有猪肉汁。三只饺子佢霸咗两只来食。
【八爪鱼波波 $18】
外边层皮烧到金黄色，好香。里面有墨鱼肉粒，爽口弹牙。哈哈! 今次轮到我食两粒。
【魂拉面 $89】
拉面嘅软硬度拣咗中，酱油都系拣咗中。配菜有日式叉烧、玉子、鱼蛋、昆布丝，仲有超大块嘅紫菜添。豚骨汤底好浓烈，啱晒我。都唔顾得仪态了，食到啐啐声，最后连汤都饮晒。
【鲣鱼豚骨清汤拉面 $63】
是帮阿妈拣的。配菜拣咗玉子、叉烧、笋干、木耳、粟米和蟹棒，咁大碗面都只系 $63，仲平过我碗魂拉面，抵到烂啦! 汤底加咗鲣鱼肴制，令豚骨汤多了一重鱼味，和魂拉面嘅浓豚骨汤相比，都是不遑多让。
不得不提的是流心玉子，啲蛋黄流心到呢见到都开心，连阿妈都话正。
阿妈话一直都唔知粤曲社楼下就有好嘢食，第日会带埋班社友落去食拉面。
张贴
