La Famille (已結業)

開party又點少得蛋糕!? 揀咗呢間高人氣嘅戚風蛋糕專門店！蛋糕口味選擇多，賣相精美又啱打卡，而且細細個，可以食多幾款唔同口味！大甲香芋黑糖麻糬 ($65)用咗台灣大甲芋頭，入口有濃厚芋香，中間嘅黑糖麻糬黑糖味香甜突出，口感軟糯煙韌，兩者加埋一齊散發住濃濃台灣風味。沖繩黑糖栗子蒙布朗 ($65)戚風蛋糕鬆軟，充滿空氣感，栗子蓉細膩柔滑，啖啖都充滿栗子香。日本柚子巴伐利亞 ($50)賣相精緻，柚子mousse口感輕軟，充滿清新柚香，味道輕盈清爽。英國伯爵茶巴伐利亞 ($50)伯爵茶mousse軟綿，入口有陣陣茶香，味道清新。