La Famille (已結業)

开party又点少得蛋糕!? 拣咗呢间高人气嘅戚风蛋糕专门店！蛋糕口味选择多，卖相精美又啱打卡，而且细细个，可以食多几款唔同口味！大甲香芋黑糖麻糬 ($65)用咗台湾大甲芋头，入口有浓厚芋香，中间嘅黑糖麻糬黑糖味香甜突出，口感软糯烟韧，两者加埋一齐散发住浓浓台湾风味。冲绳黑糖栗子蒙布朗 ($65)戚风蛋糕松软，充满空气感，栗子蓉细腻柔滑，啖啖都充满栗子香。日本柚子巴伐利亚 ($50)卖相精致，柚子mousse口感轻软，充满清新柚香，味道轻盈清爽。英国伯爵茶巴伐利亚 ($50)伯爵茶mousse软绵，入口有阵阵茶香，味道清新。