影片
更多
2021-09-23
312 浏览
Curator Art & Cafe Curator , 一间用打印咖啡一炮而红嘅餐厅，表现出艺术同咖啡之间嘅奥妙。墙上挂上草间弥生，村上隆等嘅艺术作品，形做一间有得饮食嘅艺术店🤩。 老板Vincent 原本佢留港学生，但咁啱与上金融海啸，忍痛放弃学业，转去拍卖艺术品。出差期间与上台湾人同佢吹水，台湾人叫佢试吓喝咖啡，Vincent 竟然一饮就爱上咗，而佢嘅咖啡瘾就从此开启😊。 当时台湾喺咖啡方面嘅文化比起其他亚洲国家更超前😮。Vincent 就谂可能终有一日香港都会变成台湾咁top。(Spoil:真系估啱咗👏👏)于是佢去咗香港发展新领域。 到港后，佢留意到西环非常高楼底嘅Lex Cafe，同Lex 老板倾咗一大论后Vincent决定收购咗呢间餐厅。再选中咗K11 Musea呢个咁符合艺术发展嘅商场，喺19年九月开咗第二间分店。 艺术打印咖啡$88 黎呢度一定要叫呢个，如果唔计就对唔住自己排左一个半钟嘅辛酸🥲🥲。 呢𠮶野最好玩系可以send 一张相比餐厅去影印上咖啡度，呢排好多人都印mirror成员嘅头像上去，虽然我系镜粉，但我会唔舍得饮咗佢地落肚😂。 现代嘅科技真系好发达，真系印得非
Curator , 一间用打印咖啡一炮而红嘅餐厅，表现出艺术同咖啡之间嘅奥妙。墙上挂上草间弥生，村上隆等嘅艺术作品，形做一间有得饮食嘅艺术店🤩。
老板Vincent 原本佢留港学生，但咁啱与上金融海啸，忍痛放弃学业，转去拍卖艺术品。出差期间与上台湾人同佢吹水，台湾人叫佢试吓喝咖啡，Vincent 竟然一饮就爱上咗，而佢嘅咖啡瘾就从此开启😊。
当时台湾喺咖啡方面嘅文化比起其他亚洲国家更超前😮。Vincent 就谂可能终有一日香港都会变成台湾咁top。(Spoil:真系估啱咗👏👏)于是佢去咗香港发展新领域。
到港后，佢留意到西环非常高楼底嘅Lex Cafe，同Lex 老板倾咗一大论后Vincent决定收购咗呢间餐厅。再选中咗K11 Musea呢个咁符合艺术发展嘅商场，喺19年九月开咗第二间分店。
艺术打印咖啡$88
黎呢度一定要叫呢个，如果唔计就对唔住自己排左一个半钟嘅辛酸🥲🥲。
呢𠮶野最好玩系可以send 一张相比餐厅去影印上咖啡度，呢排好多人都印mirror成员嘅头像上去，虽然我系镜粉，但我会唔舍得饮咗佢地落肚😂。
现代嘅科技真系好发达，真系印得非常高清🤩。上面白色𠮶层原来系cream 黎嘅，饮落好绵滑，甜甜地。但饮哂D啡，最后就会剩咗D cream 。 🥲
里面嘅咖啡味道偏向nutty，浓郁得黎又有少少脂香感。 呢杯唔错。
$cold cut and cheese platter & toasted bread $188
款式种类几多，芝士同ham 都各有三款。
先讲芝士，右上角果只系硬芝士，味道较为浓烈，咸味突出，亦有少少芝士𠮶只臭味。
有黄色边𠮶只系gouda cheese。味道较为温和，奶味重，俾头先果只软身。亦有一层硬硬地嘅边，三只之中最中意呢只。
最后果只系Brie Cheese(或者系camembert )，条边较薄，亦唔会热到溶哂，不过冇想像中咁creamy ，奶味亦冇gouda cheese 咁重。
右上角嘅辣沙乐美肠有少少韧，辣度适中，肥瘦均匀，几惹味嘅。下面有只都系原味salami 薄切，唔多讲啦。
Parma ham品质一般，入口咸中带鲜，但冇乜脂香感，亦都比较瘦。
下面嘅面包竟然有惊喜。闻已经有淡淡嘅麦香。面包质感非常松软，麦味浓中带少少包面嘅香脆同种籽嘅果粒感，亦有阵容淡淡嘅橄榄油除香同埋香草嘅点最。痴线..呢个真系超正🤤。
后面嘅沙律菜配有一只我都唔知系乜嘅辣椒品种。里面有一粒粒爽脆嘅籽，唔辣嘅，反而非常之甜，好新奇。
大虾意粉$178
一开头觉得178有少少贵，估唔到有六只虾，放佢一码啦。
虾就已经预先剥咗虾头同虾壳。味道爽中带鲜，鲜中带甜，熟度在于将熟未熟嘅状态，好高质。
意粉熟度适中，口感非常AL Dante ，但盐落得少咗D，味道有少少被蕃茄汁盖过。
蕃茄汁偏稀，但都挂到喺意粉身上。亦有少少蕃茄粒粒。但味道略为有D太单一，味道较酸，好在上面有好多食用花提升香气。
艺术打印咖啡
$88
13 浏览
0 赞好
0 留言
Cold cuts & Cheese Platter
$188
18 浏览
0 赞好
0 留言
大虾意粉
$178
24 浏览
0 赞好
0 留言
张贴
