火鍋撚 (雲明行)

营业中

休息中

📍火锅撚 🔍中环云咸街46-48号云明行3楼-----唔经唔觉呢间兵马俑主题嘅港式火锅店系香港都开咗好多年，谂住无咗新鲜感，宜家应该无以前咁多人，点知星期五去到，发现人气更胜从前，好彩有提早预约。次次黎都系叫佢地嘅蜂巢豆腐白汤锅，一如既往地高质，每次饮都有感动感觉，未洽野已经忍唔住饮咗半兜汤，入口奶滑奶滑的，带猪骨嘅肉脂香，加埋索汁嘅蜂巢豆腐同柔嫩鸭血，基本上试过呢个之后，都无再试过其他汤底，因为每次黎都太想叫呢个。🥢极品黑豚肉 黑豚肉油脂恰到好处，肉味突出。🥢流心咸蛋黄猪肉丸 猪肉丸质感爽滑，加埋流心咸蛋黄，几有趣。🥢黑松露墨鱼滑 墨鱼滑非常弹牙，黑松露味浓郁，不错。🥢顺德鱼腐 鱼腐Q弹有劲，新鲜炸起热辣辣，可以即食亦可以洽煮之后再食，配搭咕噜汁，酸甜开胃。🥢四宝饺饺拼盆 当中个人最钟意系鱼皮饺，鱼皮富弹性，肉馅紧实。🥢鲜甜桂花蚌 味如其名，鲜甜白嫩，入口滑溜滑溜的。🥢日本特级帆立贝入口鲜甜涌现，个人觉得煮熟后味道更佳。最后附上的甜品依然是他们的经典腐竹糖水，冰凉顺滑，低甜浓郁，味道依然。