王牌·圍一叉燒

营业中

休息中

今日因为踩单车，所以就去咗大围一转。喺踩之前想揾啲嘢医下肚，于是就睇吓附近有啲乜嘢餐厅值得试吓。一出大围站，就见到呢间王牌唯一叉烧好多人排紧队，有拎外卖嘅亦都有堂食嘅。见佢出名嘅系叉烧，于是就嗌咗一个双拼烧味饭，我就拣咗叉烧同埋油鸡。一埋位就会有碗老火汤，口味比较浓郁。讲返个饭，个叉烧佢话系蜂蜜腌制，食落真系比起出边嘅冇咁咸之余，亦都唔会过分甜，味道平衡。至于肉质方面，我会觉得瘦嘅部份比肥嘅多，大概七比三左右，好彩我比较钟意食瘦嘅叉烧，所以就好啱我口味。而油鸡方面，啲鸡皮又薄又爽口，都入味。而肉质方面未至于好嫩滑，但仍然合格。配菜有三条菜心，都新鲜清甜。而饭嘅质地都干身粒粒分明，唔会又淋又烂。整体嚟讲，我会几推介呢间嘅叉烧，下次有机会想试吓佢另外推介嘅滑蛋虾仁自家制XO酱饭，因为见到好多人都嗌。