牛品台式火鍋

营业中

休息中

餐厅由屡获殊荣嘅台湾厨师李龙翔师傅主理，主打120分钟台式火锅放题，价钱有4个等级，以牛肉质素区分。汤料每日由台湾新鲜直送，有多达10款汤底选择，更设有地道配料、小食同甜品供应，唔洗搭飞机就食到啦～ 近期新出咗两款汤底，分别为绿野仙踪浓汤同青花椒和牛锅，要咗前者，集合鲜香甜口味，浓郁芫荽香气扑鼻而来，芫荽控千祈唔好错过！题外话，收碟速度都唔算好慢，而且座位几阔落，坐得舒适。肉类方面大大力推介澳洲M9和牛肩胛肉，肉质软嫩细致，牛味浓厚、美国牛小排同肩胛肉都唔错、醉鸡大块入味、纽西兰羊卷肉散发独特香气，另外仲有猪同海鲜款式，正常发挥，想食回本都系建议点和牛啦🤭呢度提供多款台湾夜市小食，盐酥鸡、椒盐虾、炸花枝丸、黄金酥炸鱼蛋、牛三宝、甜不辣、五味墨鱼仔、宜兰葱馅饼、炸午餐肉等等，个人喜欢兰阳糕渣、香肠同皮蛋豆腐，逐件嗌，不过可能系即整嘅关系等候时间比较长。自助区有各种蔬菜、炸物、主食、小食、水果、甜品同饮品。最惊喜莫过于甜点区，有得自制台式糖水、绵绵冰同雪糕，可以自己mix and match，好睇又好食，大人小朋友都啱，赞👍