吃什麼 (已結業)

超人气台湾餐厅继系西环请坐之后，开左另一间分店系中环，近住楼梯街顶，咁岩系中环就试下。果然系人气餐厅，假日lunch过黎要排队，仲要系烈日当空下排，店员都好贴心，出黎排冰水比各位。一路排队可以一路剔想食d咩，可以慢慢谂。我地叫左卤肉饭、皮蛋豆腐、咸酥鸡、蛋饼同一杯凤梨红茶。其实台湾嘢间间都差唔多，水准都几好，最值得赞嘅系皮蛋豆腐！超级多皮蛋，个汁调得好好，仲有d木鱼系上面，配埋一大砖豆腐好啱送饭，夏天当小食都唔会觉得腻。店员全部都有台湾腔，真系好似去左台湾咁！