吉列牛忌廉烏冬專門店 (百樂中心) (已結業)

星期五约咗朋友食晏，去咗铜锣湾揾食，拣咗呢间人气餐厅。我哋叫咗几款嘢食share。吉列牛定食 $148吉列牛已经预先整到三成熟，上枱之后用一个小炉慢慢烧，一路烧牛香慢慢渗出，未食已经流晒口水。牛肉烧到自己想要嘅熟度，之后可以沾上烧汁、沙律酱或者Wasabi，各种配搭各有特色。牛肉油脂恰到好处，有牛味肉质柔软😋咖哩忌廉鸟冬$88除咗吉列牛，咖喱忌廉乌冬都系呢间舖头嘅signature嘢食，我哋梗系要食啦。一上枱棉密加忌廉白雪雪一大碗，好吸睛😍用筷子夹落去就可以见到咖喱乌冬，配料我哋拣咗牛肉，佢仲有啲西兰花、洋葱同埋菇添。乌冬烟靭，每条都挂上香浓忌廉咖喱汁，口感少少Creamy，好好味😋吉列猪扒茶渍饭$75吉列猪扒都好好食，炸粉唔会太厚，又有酥脆嘅口感，而且一啲都唔油👍🏻里面嘅猪扒唔会炸得干柴，肉质唔会硬，配上清清地嘅抹茶汤茶渍饭一齐食，去除咗食肉嘅油腻感，好轻盈嘅感觉。