新景園咖喱小廚

营业中

休息中

湾仔食咖哩一定系春园街新景园，猪排用薄粉炸得甘香松脆完全唔会有干柴感觉，仲要块块都好juicy多汁，猪排肉质肥瘦适中，肥肉部分咬落爽脆，调味亦做得好好，咖哩汁微辣带点奶香，送饭一流，或者用猪排点汁食都系相当正，建议如果唔系太大食嘅可以落单时讲比少啲猪排，因为真系好大碟好多猪排，当然食唔晒都可以自己带走啦，不过啲猪排真系要堂食热辣辣先好食。另外要赞嘅系楼面同事相当有礼貌笑容满面，今时今日做饮食除左要出品好之外，楼面对外亦相当重要，无礼貌黑口黑面嘅绝对系赶客。价钱虽然比外面一般贵少少＄88碟，加10蚊可以转套餐有饮品同一碟油菜，但个人觉得绝对系一餐满足嘅咖喱饭餐。