小菜王 (福榮街)

营业中

休息中

冬天最岩食羊腩煲。睇到呢间好多人排队，咁就试吓呢间，足足排了一个钟唷。五人行，叫了一个细煲，好香，羊肉份量都好多，羊味重，但无乜羊膻味，味道适中，少少咸。市面的羊腩煲都跟一碟生菜，呢度就无跟，要另叫。椒盐九肚鱼，新鲜炸起，唔够椒盐，淡味咗啲。焗鱼肠因为制作过程好麻烦，好多地方都已经冇咗，或者限量好快卖晒。所以每次见到都会嗌，呢间又整得真系几好吃。焗到好香。蛋唔会好实，鱼肠亦都唔少，无苦味。充满鱼油嘅香味。连唔多食鱼肠的朋友都不停食。