臺坊 (加拿分道) (已結業)

黎尖沙咀拎货，送便食下野，行过见有间叫台坊嘅小店，天气咁热饮杯珍奶都好㖞。睇下餐牌先，有饭有面同小食等，选择唔算好多但有几样野都想食，唔…叫咩好呢。到收银位落单，先付款再拣位坐。叫左一个伴面同一杯饮品，本来想加多份小食但又怕食唔晒。叫左呢样盐酥鸡肉操拌面，卖相都唔错㖞。盐酥鸡有五件，炸得酥脆香口。面条有咬口，捞左肉操咸咸地几好味，不过食到尾冻左都几油嘅，衬热食啦。饮品点左黑糖仙草冻，见个个食客入黎都系叫呢杯㖞。黑糖几香，份量啱啱好唔过甜，仙草滑口，天气咁热真系消暑良品。小店坐位不多，下午时段都好有人气要等位㗎，快快食完让番张枱出黎。