小火焰韓式咖啡廳 (金山樓) (已結業)

之前帮衬过乐富𠮶间「小火焰韩式咖啡厅」，今日嚟大围探班，发现原来附近都有分店，晏昼就同朋友一齐过嚟食个 lunch。门面缤纷夺目，好抢眼。店内装潢亦时尚型格，以一室啡杏色为主，色调柔和，感觉开扬舒服。我哋每人点左一个午市套餐，另外再加配左两款小食，忌廉蟹肉饼 (+$16) 同 芝士夹饼 (+$15)。蟹肉饼即叫即炸，送上时仍热辣辣，入口外脆内 Creamy，香口又唔油腻！夹饼入面夹住满满嘅芝士，食落咸咸香香，好惹味。鳗鱼烧蕃茄汤乌冬 ($78)，鳗鱼烧得焦香，好大块，肉质软腍，入口啖啖肉，油香丰富。酱汁味道亦啱啱好，咸甜适中，不会盖过鱼香。蕃茄汤用料亦唔马虎，内有鲜茄、粟米粒和昆布等，真材实料，味道天然，甜酸香俱备，配以烟韧滑溜嘅乌冬，令人食指大动。甜薯咖喱烧牛扒饭 ($68)  牛扒卖相一流，睇下几大块，而且厨师好细心，上桌时已切件，食落肉质好嫩滑，牛香味浓。咖喱辣度亦啱啱好，味道带甜，大人细路都啱食。另外饭面仲配左只太阳蛋，用蛋汁嚟捞饭真系冇得输。餐厅午市免收加一，另外每个套餐都会奉送咖啡或茶，转冻饮+$3，或以优惠价转换其他饮品。饮品点左杯冻嘅岩盐焦糖咖啡 (+$13)  而朋友