影片
更多
2023-05-23
661 浏览
麻辣风云 Spicy Restaurant 📍铜锣湾骆克道491-499号京都广场5楼年头见到好多人分享一个诸葛亮草船借箭造型嘅炸馒头，知道系食辣嘢嘅舖头，虽然我唔系好食得辣，但系见到佢呢个咁有特色嘅造型同咁大份量嘅川菜，都好想去试吓。一直都收藏咗喺bookmark好耐，呢次同朋友去开铜锣湾食午餐，就行街行到晚餐时间去食，我哋大约6:30左右到啦，去到走嘅时候已经全场满座，大家记得要book位啊！ 💰$58人气炸馒头 🥯先同大家分享咗呢个人气炸馒头先啦，头先都喺前言分享咗系被佢个外型吸引咗嘅。原来佢唔单只系草船借箭咁简单，船身仲有好多个窿，放入大量干冰，制造好大烟雾嘅感觉，净系为咗打卡而叫都好抵！讲返炸馒头先，一只船装住六件大大嘅炸馒头，每件外层都炸得非常金黄酥脆，里面嘅包好软熟，最啱就系点炼奶食！ 💰$388太极鸳鸯鱼 🐟想食酸菜鱼，又想食水煮鱼，心大心细有选择困难症？我哋非常推介你试吓呢度嘅太极鸳鸯鱼，虽然系鸳鸯锅，但两边嘅鱼片份量非常多，食极都有好似无底深潭咁多！除咗鱼片仲有好多其他嘅配菜，例如金菇、莴笋、酸菜、宽粉、豆卜等等。因为我哋都唔食得太辣，所以同店员讲我哋要拣最少辣度嘅
📍铜锣湾骆克道491-499号京都广场5楼
年头见到好多人分享一个诸葛亮草船借箭造型嘅炸馒头，知道系食辣嘢嘅舖头，虽然我唔系好食得辣，但系见到佢呢个咁有特色嘅造型同咁大份量嘅川菜，都好想去试吓。一直都收藏咗喺bookmark好耐，呢次同朋友去开铜锣湾食午餐，就行街行到晚餐时间去食，我哋大约6:30左右到啦，去到走嘅时候已经全场满座，大家记得要book位啊！
[价钱 Price]
💰$58
人气炸馒头 🥯
先同大家分享咗呢个人气炸馒头先啦，头先都喺前言分享咗系被佢个外型吸引咗嘅。原来佢唔单只系草船借箭咁简单，船身仲有好多个窿，放入大量干冰，制造好大烟雾嘅感觉，净系为咗打卡而叫都好抵！讲返炸馒头先，一只船装住六件大大嘅炸馒头，每件外层都炸得非常金黄酥脆，里面嘅包好软熟，最啱就系点炼奶食！
[价钱 Price]
💰$388
太极鸳鸯鱼 🐟
想食酸菜鱼，又想食水煮鱼，心大心细有选择困难症？我哋非常推介你试吓呢度嘅太极鸳鸯鱼，虽然系鸳鸯锅，但两边嘅鱼片份量非常多，食极都有好似无底深潭咁多！除咗鱼片仲有好多其他嘅配菜，例如金菇、莴笋、酸菜、宽粉、豆卜等等。因为我哋都唔食得太辣，所以同店员讲我哋要拣最少辣度嘅𠮶个，由于呢度嘅菜式都系由超过20年川菜经验嘅厨师主理，所以都保留到𠮶种辣味，但又唔会过油过辣，都好啱香港人嘅口味。虽则食食吓，我都觉得有啲辣，但系我同朋友我觉得呢种辣系好食嘅辣，可以用个爽字形容！酸菜鱼同水煮鱼嘅鱼片都好滑，近乎无骨，而且完全无腥味，好易就会食完一片追住食另一片！
[价钱 Price]
💰$68
四川担担面 🌶️🍜
净系食鱼我哋惊唔够饱，所以都有拣返一款主食嚟食。本身我自己系想拣炒饭嘅，但又惊份量太大，食唔晒会好浪费，朋友就建议不如叫碗四川担担面食。好彩有听佢讲咋，担担面可以选择辣度麻度，我哋拣咗小麻小辣，上面放满大量肉沬同花生，麻酱味唔算好重，但个汤底唔会好油，辣同麻都系香同有层次嘅，面质偏有咬口，唔会过淋，我非常欣赏！
[价钱 Price]
💰$58
黑糖脆炸糍粑 🍢
第三款餐厅必食推介就系甜品类嘅黑糖脆炸糍粑啦，我自己食亲川菜或辣嘢都会睇吓有无炸糍粑食嘅，因为平时食唔同类别嘅菜都比较少有，而且佢饱肚得嚟又系炸嘢，啱晒我嘅口味。佢上面嘅黄豆粉量好多，黑糖唔会过甜过黏，糍粑亦炸得外脆内烟韧，全部都恰到好处。
[价钱 Price]
💰$38
鲜芒椰果玉露 🥭
朋友拣咗呢杯鲜芒椰果肉露，椰果量唔算太多，少少哋增加口感，芒果味香浓，朋友认为解辣一流！
[价钱 Price]
💰$38
冰凉椰汁冰 🥥
我自己就拣咗椰汁冰嚟饮，同泰国菜嘅原理一样，都系饮少少嘅一啖就非常解辣，所以一边饮一边食，不知不觉就清咗盘太极鸳鸯鱼啦！
张贴
