五月星牛肉麵

营业中

休息中

骆驼漆大厦出名多好嘢食而呢间都唔例外，除咗提供多款台湾特色美食之外，更有煲仔饭、避风塘系列等，建议午餐时段或8:30后到访，因为呢啲时间会有优惠小食，听闻平时多人到要Book位，证明都有啲料到🙈试管盐酥鸡系小店嘅招牌菜之一，可以按个人喜好调配味道，玩得又食得😆 鸡块外脆内嫩好香口，有梅粉、椒盐、辣粉、紫薯粉、海苔粉同芝士粉，每款嘅味都几突出，而且就算洒完之后食都唔会觉得好口干。个人认为甜不辣同地瓜条都可以落粉，前者烟烟韧韧后者酥脆可口。比较饱肚啲嘅小食有肉松双重起司蛋饼，好厚一件，馅料十足，散发着淡淡蛋香气，口感丰富。大肠包小肠嘅糯米饭好软糯，肠仔带咸香气，细细一件，感觉唔腻。蚵仔煎薄身，粒粒饱满，冇腥味，而避风塘豆腐炸至外脆内滑，性价比高。