東喜茶 (已結業)

想试左东喜茶好耐，唔理佢系唔系抄大陆好定正版翻版好，最饮最紧要。咁岩最近经过观塘，人又唔算多，就胆粗粗买杯饮下。芝士奶盖系出名，不过见临食晚饭就拣杯无咁漏既—布蕾珍珠奶茶。一饮落去当然先系珍珠，算有咬口，同连锁既都差唔远，不过珍珠份量少，啜两啜就无晒。之后到个奶茶，奶都系奶精开既，无咩特别；茶又唔系好有茶味，如果你卖$30杯我相信可以做得更好。咦，个布蕾呢，最后一啖先饮到，原来沉晒底，已经系热饮同搅匀左都唔溶系奶茶入面既，怪怪地。呢杯我真系唔推介，下次试下佢既名物芝士奶盖啦。