Yadllie Plate 야들리애플래이트 (兆萬中心)

知道呢间餐厅都比较多人，所以今晚决定早d黎食个早饭就唔洗等位。半半炸鸡原只炸鸡注明约8件，大家可以因应自己食量而叫，炸鸡可以选两款口味，我地拣左黄金蒜香炸鸡同首尔酱油炸鸡，黄金蒜香炸鸡蒜味香浓，d蒜仲炸到脆卜卜，食落香口惹味，而首尔酱油炸鸡略带少少酱油味，更能食出鸡既原汁原味，鸡肉好嫩滑，好juicy。餐厅仲好贴心，有靓靓胶手套供应。麦芽啤酒虾虾肉弹牙，炸粉够薄，炸到松脆，点埋甜辣酱更加开胃。蓝莓乳酪沙冰蓝莓味好香，沙冰打得好幼细，够哂冰凉，消暑解渴一流。热柚子蜜茶柚子味香浓，而且份量都几大杯。