LA FAMILLE

营业中

休息中

今日经过人来人往嘅朗豪坊， 喺地铁出口𠮶层有好多cake shop, 晚上屋企人聚会有人生日，顺道买件靓靓嘅蛋糕分享吓充满节日气氛。 最接近地铁出口有间人气戚风蛋糕店， 听讲系全人手制造。 每款都小巧精致， 睇见都唔舍得食。戚风蛋糕有多款限定店嘅独特口味， 每个都有精巧嘅玻璃罩罩著， 保持新鲜。屋企人劲钟意朱古力， 所以拣咗个，"双重朱古力"。 不过当然唔够拣多个 "桃香红茶"。 店员小心盛载， 如果同时放两个要用胶纸稳固定 在一个盒里面， 并会附上纸袋。报告一下，两个蛋糕去到人哋屋企完整无缺, 松一口气!双重朱古力 $54 戚风蛋糕质地松软棉密， 切开里面有一层朱古力馅，质地软滑， 散发出唔同层次嘅朱古力香味， 蛋糕嘅核心有一层朱古力脆米， 口感丰富。 整体感觉朱古力味浓厚。桃香红茶$50欣赏佢嘅红茶味， 蛋糕好松软轻柔 ， 配合中间带甜嘅cream 啱啱好。 还有表面嘅桃肉，充满果香。配一杯咖啡真系双重享受。