和牛燒肉一郎 (寶漢大廈) (已結業)

之前食过一次，印象唔错，今日决定食贵小小。C Course $598开头唔驶叫野食住，因为佢会跟餐上4组食物先。🏆是日宝箱得Course C 同D先有。日日唔同，当日新鲜即切，今日系和牛肉眼。店员上枱俾你打下卡之后，会帮手烧，之后仲好细心咁将佢剪细块。睇到佢个大理石纹路就知道系正野，肉汁饱满，入口嫩滑😋极上花盛合得Course C 同D先有，摆设几靓，将d肉卷到一朵花咁，而且牛种类高级左，有和牛食。我几钟意和牛牛里脊肉，感觉肉质较软嫩。舟盛合每个Course都会送上。有3款牛，再搭配豚肉同鸡，仲有海鲜类有虾同扇贝。桶盛合除左Course A，其他餐都会跟，有牛肋肉、牛里脊肉、豚肉同鸡。和牛 薄灸寿喜烧里脊肉薄切，轻轻一烧，已可带出油份，食落口几滑同juicy多汁。生牛肉寿司 & 香葱生牛腹肉碎寿司生牛肉色泽几靓，有嚼劲同够嫩，值得推介俾钟意食生牛肉既朋友。除左烧肉外，仲有自家制饮品、软雪糕机、日式雪条、沙律吧同爆谷机，款式多，位置又宽躺。