阿木台灣麵 (廣華街) (已結業)

一直都觉得香港唔系太多好食既台湾面，听朋友讲依间都几好，就一于黎试下系咪真系好食。夜晚时间基本上都好多人排，如果要食既话我建议系手机用”gulu”拎左飞先，咁就唔使等咁耐。手机拎左飞大约半个钟左右就入得，铺头比较细，所以都坐得比较逼，墙上面贴左好多佢地既产品，有拌面同各种小食都有。我地今日唔系太肚饿，所以净系叫左两个主食加一个小食，分别系红烧牛肉牛筋面 / 麻辣肉燥拌面 / 盐酥鸡。红烧牛肉牛筋面，牛肉好淋，唔使点咬就食到，个汤有阵阵香料味，加埋酸菜食都几开胃，但我发觉加左佢地自家制既辣椒酱完全系将成碗面升华左，钟意重口味少少既一定要加，会令成碗面好食好多。麻辣肉燥拌面，依个系出奇地好食，超级开胃，唔会太辣，好惹味，令到人食唔停既选择。盐酥鸡，炸粉唔会太厚，食菅都唔会好干，有人觉得佢好淡，但我自己唔食咁咸就觉得岩岩好，钟意咸D可以自己再落调味粉。