牛極 (雅怡居)

营业中

休息中

自从上次系荃湾食过间超抵食又高质既石板牛之后一直念念不忘，但荃湾实在太远，男朋友揾到呢间系深水埗，见评价唔错，一于去试吓。饮品同食物都系自己售卖机到买票，好似日本连锁店咁， 亦有围裙可以拎，防止比油弹到件衫。店员为我地挑选左两款抵食牛扒，一款系牛肩排，另一款系牛柳，Order左牛扒就可以任食自助吧嘅饭、汤同埋沙律。自助形式唔错，如果唔够饱可以任添饭或者饮汤，不过今次我哋冇饮汤同埋食沙律，只系要左个饭，加埋两块牛扒已经好饱。牛肩排 180g $80虽然重量轻过牛柳，但睇落更厚肉更大件，牛事先已加盐同黑椒，食落好够味，亦有牛既香气，唔洗再蘸酱汁，肉质嫩滑。上盘时系一成熟，可因应自已喜好再系石板上烧，keep住食到热辣辣既牛扒👍🏻牛柳 200g $110卖相冇牛肩排咁靓，但牛味更浓，肉质更嫩滑，但要小心烧到岩岩好就要拎起放入碗，over左就会冇咁好食。如果唔要求靓景/坐得好舒服，呢间既牛扒值得一试。