麵屋丸京

营业中

休息中

等啊等，等咗足足30分钟，先有位啊，睇嚟都系人气拉面店。坐吧位可以睇住师傅煮面，仲可以睇吓啲figure collection。记住去之前睇清楚清汤日定浓汤日，逢一三清汤、四至日浓汤。*丸京拉面 (清汤) $100 铺满拉面碗嘅叉烧真系好澎湃，叉烧偏冻，可以浸入汤令佢暖啲。㶶边系叉烧，肉质比较紧致，有微微烟熏味。冇㶶边系真•叉烧，慢煮之后肉质比较嫩滑，有啲似火腿嘅咸香。今日系清汤日，拣咗清汤，好啱我心水，清而唔腻。面条弹牙，但挂得少汤，质素比较普通。配料有笋条，每条嘅咸度都唔同😂溏心蛋非常出色，半熟蛋黄+酱油香。柚子胡椒汤 (+$10)非常特别嘅汤底，第一啖系好强烈嘅胡椒味，后劲会有阵淡淡嘅柚子酸甜，都系清爽型汤底。