轉角 (已結業)

难得去到屯门唔想食连锁店，屯门嘅朋友就推荐呢间人气cafe，就算晏昼都多人要等好耐位，等咗半个几钟终于到我哋 order野食。滑蛋蒲烧鳗鱼饭鳗鱼好大条，味道正常，个蛋炒都好滑，达到左水准，但唔算特别出色，望落份量以为好细但都食到好饱。All day breakfast有车打芝士肠，薯饼，炒蘑菇，烟肉，沙律，奶油吐司。冇谂过最出色系佢嘅奶油吐司，望落去平平无奇，但佢嘅外层系超级脆同埋甜甜地，应该系落过砂糖再烤，唔系出边一般嘅吐司咁。一定要试吓！