影片
更多
2022-10-01
116 浏览
荳子 Beans📍 屯门屯顺街1号屯门市广场一期UG层UG42号舖同成班姊妹去完屯门码头打卡睇日落后，我哋去咗屯市揾食，见到平时大排长龙嘅Beans居然无咩人排队，于是决定喺度食晚餐。 💰$28 (套餐加配)车打芝士薯条 🧀🍟喺度叫套餐可以以优惠价钱加配车打芝士薯条或其他小食，佢嘅薯条炸得好香脆，但又唔会过分油腻，大家记得要点埋侧边嘅车打芝士酱，佢可以令薯条嘅味道升华，正！ 💰$118黄金蟹肉意大利粉 🦀🍝我不嬲都好钟意食蟹，呢款黄金蟹肉意大利粉就合晒我心意啦。无论系外观定味道，呢款意大利粉暂时喺Beans入面系我心目中嘅No.1！佢嘅蟹味好浓郁，意粉同个酱好幼滑，全部加埋一齐，perfect！不过个人嚟讲唔系太钟意放喺上面嘅沙律菜，食落有啲苦味，扣咗佢少少分。 💰$128黑蒜・矶烧鲍鱼・蚬肉・白酒意大利粉 🥂🍝印象中冇咩几多次食过黑蒜意大利粉，呢款由鲍鱼、蚬肉同白酒煮成嘅意大利粉味道好新奇。虽然鲍鱼同蚬肉嘅量唔多，多人分食下要将鲍鱼切到细细粒先人人有得分，但佢嘅黑蒜一啲都唔臭，香浓嘅黑蒜味配埋白酒意粉一齐食特别夹，鲍鱼同显肉亦都无腥味，系一款几特别嘅意大利粉，未试过嘅朋友可以试吓。
📍 屯门屯顺街1号屯门市广场一期UG层UG42号舖
同成班姊妹去完屯门码头打卡睇日落后，我哋去咗屯市揾食，见到平时大排长龙嘅Beans居然无咩人排队，于是决定喺度食晚餐。
[价钱 Price]
💰$28 (套餐加配)
车打芝士薯条 🧀🍟
喺度叫套餐可以以优惠价钱加配车打芝士薯条或其他小食，佢嘅薯条炸得好香脆，但又唔会过分油腻，大家记得要点埋侧边嘅车打芝士酱，佢可以令薯条嘅味道升华，正！
[价钱 Price]
💰$118
黄金蟹肉意大利粉 🦀🍝
我不嬲都好钟意食蟹，呢款黄金蟹肉意大利粉就合晒我心意啦。无论系外观定味道，呢款意大利粉暂时喺Beans入面系我心目中嘅No.1！佢嘅蟹味好浓郁，意粉同个酱好幼滑，全部加埋一齐，perfect！不过个人嚟讲唔系太钟意放喺上面嘅沙律菜，食落有啲苦味，扣咗佢少少分。
[价钱 Price]
💰$128
黑蒜・矶烧鲍鱼・蚬肉・白酒意大利粉 🥂🍝
印象中冇咩几多次食过黑蒜意大利粉，呢款由鲍鱼、蚬肉同白酒煮成嘅意大利粉味道好新奇。虽然鲍鱼同蚬肉嘅量唔多，多人分食下要将鲍鱼切到细细粒先人人有得分，但佢嘅黑蒜一啲都唔臭，香浓嘅黑蒜味配埋白酒意粉一齐食特别夹，鲍鱼同显肉亦都无腥味，系一款几特别嘅意大利粉，未试过嘅朋友可以试吓。
[价钱 Price]
💰$98
开心果马苏里拉芝士薄饼配蜂蜜 🍕🍯
系咁多款手做pizza入边我哋拣咗呢款开心果mozzarella cheese pizza食，因为觉得佢比较特别。摆盘方面比较有心思，喺薄饼嘅正中央放咗一个小兜仔，里面装着蜂蜜，俾你随个人喜好加落去个Pizza度调整甜味。开心果碎系有嘅，但口感同埋味道都唔突出，整体嚟讲似食紧一个甜味芝士pizza，为咗打卡都可以叫嚟试吓，但味道其实一般。
[价钱 Price]
💰$118
黑松露什菌意大利饭 🍄🍚
呢个意大利饭有好多唔同嘅菇类，口感好丰富，而且黑松露味非常之突出，啱晒我呢啲最钟意食黑松露嘅人。risotto唔会太硬或太淋，个sauce都好creamy，如果唔食肉嘅朋友我会推介呢款！
[价钱 Price]
💰$0 (餐饮)
冻柠檬蜂蜜 🍋🍯🍹
同一般冻柠蜜有少少分别，因为饮得出佢嘅蜂蜜系天然嘅，柠檬片又比较新鲜，加埋少少薄荷叶，成杯饮落好清新。
[价钱 Price]
💰$28 (套餐加配)
卷・山政小山园 🍵🍰
睇餐厅介绍，佢哋嘅呢款山政小山原卷系有A级评定抹茶卷蛋之称。由以前系朱古力控变成而家嘅抹茶控，我敢讲佢哋嘅抹茶卷真系做得好唔错，而且卷蛋同忌廉嘅比例系我钟意嘅黄金比例，我钟意比较多忌廉少蛋糕嘅卷蛋，唯一美中不足嘅地方就系佢唔够冻，否则佢呢款唔会太苦又唔会太甜嘅抹茶卷蛋就真系近乎完美！
[价钱 Price]
💰$28 (套餐加配)
Say “Cheese”
呢款柠檬慕丝美式芝士蛋糕嘅造型系咪好可爱呢，真系成嚿芝士咁嘅样㗎！佢嘅柠檬慕丝唔会太酸，但芝士味亦唔太重，虽然话系美式芝士蛋糕，但佢无New York cheesecake𠮶种咁浓咁滞嘅口感，相信平时唔系太钟意食浓味cheesecake嘅人都可以handle到。
张贴
