天天海南雞飯 (ELEMENTS圓方)

营业中

休息中

临近圣诞节，早早已经感受到圣诞气息，今日系elements食天天海南鸡饭，门口大大棵圣诞树，好有feel!呢到主打新加坡菜式，由四位唔同品牌既始创人一齐加入，同一个地方一次过食到唔同既新加坡美食！先系呢个椰奶咖啡，唔知大家有无食过新年礼盒个啲椰丝，呢到正正有个只椰丝味，好香口好正！双拼海南鸡同烧鸡，肉质劲嫩滑，特别系烧鸡好出色外皮卜卜脆，仲有三款唔同既酱汁任君选择，味道非常丰富黄咖哩牛面肉，咖哩够杰身唔会沟左好多水，椰奶味好足，至于牛面肉原来都好夹咖哩，劲软稔差唔多无牙都食到！好多人都知道新加坡出名胡椒蟹，呢到有黑胡椒蟹肉粉丝煲，一出枱劲惊喜，成煲打开都系蟹肉，全部都拆晒肉食起上黎好方便，而且劲浓黑椒味，特别系啲粉丝索晒啲汁，真系未食过咁浓郁既黑胡椒粉丝，强烈推荐！！