グリル滿天星

营业中

休息中

好多日本过江龙餐厅进驻了香港，之前试左几间，今次就黎左海港城呢间人气蛋包饭店试食。蛋包饭当然就系呢间餐厅嘅卖点。周末过到黎，人龙满满的，等左成个钟先有得食。餐厅装修来简洁，坐位感觉坐得舒服，一黎就扫QR Code睇下有乜好食。我当然拣佢地嘅主打蛋包饭，试左个日式咖喱吉列猪扒蛋包饭。软滑流心蛋，又嫩又滑，外皮炸到酥脆嘅猪扒，内里包著肉汁满满嘅肥美猪扒，配上经典香浓日式咖喱汁，再加上香气十足嘅炒饭底，味道好，质量并重，非常抵赞! 朋友唔想食咁饱，所以拣左个日式拿玻里意粉，番茄酱汁茄味香浓，配上香肠、青椒等配料，加上偏软口感嘅意粉，有种日西式混合嘅感觉，朋友都感觉呢个意粉几唔错啵。整体几唔错，又系食得好丰足嘅一餐。