神戶屋日韓放題

营业中

休息中

前排成日喺社交平台见到呢间日韩放题餐厅，集齐多款刺身、寿司、韩式料理、烧物、炸物、火锅、甜点、饮品等。最近更推出大闸蟹放题，额外加钱就可以品尝得到～ 平日晚上Full House，等候区迫满咗人，就算Book咗位都要等，证明真系好出名🤣 唔想等嘅记得唔好喺Peak Hour去，好夸张。先嚟大大碟刺身，卖相一流，超级打卡able。最钟意系三文鱼，厚切，肥美，鲜甜、赤虾、带子同玉子都唔错，点埋豉油同芥末更加好味。另外值得一赞嘅系呢度嘅火炙寿司，烧得啱啱好而且够多酱，尤其是系三文鱼腩，绝对比得上出边嘅寿司专门店，好有惊喜。食物款式众多，私心推介嘅包括汁烧鸡肉串，软嫩多汁、盐烧鲭鱼，新鲜啖啖肉、芝麻鸡翼，嫩滑可口、芝士年糕外脆内爆浆、海苔多春鱼天妇罗，咸香酥脆、同鸡软骨，惹味带咬口。整体炸物都几出色，热辣辣上枱要趁热食。食到闷闷地就可以攞埋甜品同雪糕，食完又可以嚟Round Two✌️