The Grill Room (The L. Square) (已搬遷) 新店位置

楼上西餐厅越来越多，今次来到铜锣湾闹市之中一间人气旺场的西餐厅。一出lift就系餐厅啦。一眼望晒，空间好大，座位整齐排列。近窗边梳化椅子可以通过玻璃窗望到室外街景。左边系酒巴饮品食品出处。干净利落。另一边系高脚枱，啱晒厚生仔女坐喺度饮下酒吹下水。香草牛油烧珍宝大虾配青苹果沙律＄168第一感觉便是好大份，材料好足够。沙律菜新鲜清甜，青苹果醋令到味道酸酸甜甜好开胃，大虾好大只，好香口。蒜蓉牛油烤蔬菜$48蔬菜方面提供左椰菜花同西兰花，蒜蓉和牛油味好夹，椰菜花同西兰花熟度啱啱好，好爽口，而且摆到好靓，好似一朵花咁。烧安格斯肉眼扒配黑松露薯蓉＄338呢个餐真系好丰富，而且件牛扒好大块。大过一个大巴掌。我哋要求煎至5成熟感觉吾鞋口，切开仲有少少血水先嫩滑。薯蓉有黑松露独有嘅香味，口感好绵密，入口顺滑即溶。另加$58有两只大虎虾，好抵呀，一定要加，吾好蚀抵。法式椰奶冻配芒果汁＄88因为顾住影相，所以雪糕有少少熔左。但无影响食欲。奶冻好棉密好香口又顺滑。芒果汁少少酸甜味又好夹好正。