影片
更多
2022-04-03
128 浏览
喺时间同大家分享下人气小店喇🤩！今次难得喺放假期间去到大坑，相信大家都知呢排大坑真系多咗好多隐世美食🤪，但系要讲大坑最出名嘅曲奇，一定系非Cookie Vission莫属✨。我记得𠮶日排队排咗接近一个钟先买到，耐唔耐就见人见智啦🤣。不过就算排几耐都唔驶担心买唔到，我见无论系咩款嘅食物都会keep到refill👍，所以都畀到排紧队嘅人有好大嘅信心❤️。即刻同大家review下我今次食过啲乜😈。食物方面☝🏻🍪Matcha Mochi Brioche（$50）首先介绍嘅就当然系讨论热度最高嘅抹茶麻糬流心菠萝包👏🏻。我记得𠮶日几乎所有人都有买到呢款Brioche，真系人气爆灯❤️。要讲佢最大嘅卖点就一定系搣开个包之后见到嘅嘢👾，你会见到抹茶酱同麻糬好邪恶咁流出嚟🤡，真系睇到都想食。讲返味道先，外层嘅抹茶菠萝脆皮做到crispy嘅口感🤩，抹茶酱都有好浓郁嘅抹茶味🍵，仲要啲酱仲可以挂喺烟韧嘅麻糬度🫠。一啖可以同时试晒唔同嘅口感，真系好有惊喜🥳。🍪Milk chocolate caramel Tart（$45）跟著要介绍嘅就系新推出嘅款式啦🤤，个卖相真系几吸引下。但系个人就觉得呢款未去到话好惊艳到我，因
今次难得喺放假期间去到大坑，相信大家都知呢排大坑真系多咗好多隐世美食🤪，但系要讲大坑最出名嘅曲奇，一定系非Cookie Vission莫属✨。我记得𠮶日排队排咗接近一个钟先买到，耐唔耐就见人见智啦🤣。不过就算排几耐都唔驶担心买唔到，我见无论系咩款嘅食物都会keep到refill👍，所以都畀到排紧队嘅人有好大嘅信心❤️。即刻同大家review下我今次食过啲乜😈。
食物方面☝🏻
🍪Matcha Mochi Brioche（$50）
首先介绍嘅就当然系讨论热度最高嘅抹茶麻糬流心菠萝包👏🏻。我记得𠮶日几乎所有人都有买到呢款Brioche，真系人气爆灯❤️。要讲佢最大嘅卖点就一定系搣开个包之后见到嘅嘢👾，你会见到抹茶酱同麻糬好邪恶咁流出嚟🤡，真系睇到都想食。讲返味道先，外层嘅抹茶菠萝脆皮做到crispy嘅口感🤩，抹茶酱都有好浓郁嘅抹茶味🍵，仲要啲酱仲可以挂喺烟韧嘅麻糬度🫠。一啖可以同时试晒唔同嘅口感，真系好有惊喜🥳。
🍪Milk chocolate caramel Tart（$45）
跟著要介绍嘅就系新推出嘅款式啦🤤，个卖相真系几吸引下。但系个人就觉得呢款未去到话好惊艳到我，因为上面层cream我食唔出好浓嘅朱古力味🤐，食落就同普通嘅cream冇咩分别，而整体个tart都冇咩朱古力味，我觉得佢嘅牛油味仲浓啲添。不过要赞嘅系佢的确做到个焦香效果👍，我觉得个焦糖味拿捏得啱啱好😬，个味道唔会盖过咗个主角。
🍪Strawberry Cheesecake Donut（$45）
我介绍嘅呢款Donut都一样系新款式嚟🤪。喺卖相嚟睇就真系感觉唔到佢同士多啤梨有关系🤣，不过食落就真系好明显feel到啦🍓。内馅入面有好浓郁嘅士多啤梨酱同埋有chesscake嘅口感🤩。外面嘅糖霜都唔会洒得过多。整体个冬甩食落啱啱好，罪恶感都会减少啲🤤。
🍪Matcha macadamia cookie（$50）
讲完前菜就当然要讲下主角曲奇啦🥰，首先介绍嘅系澳洲坚果抹茶曲奇，拎到手个下先知原来块曲奇系咁大块🤩。如果大家系拎返曲奇食嘅，我建议大家可以先加热咗再食，热食个内馅绝对唔会令你失望😝。搣开个曲奇啲抹茶酱瞬间爆晒出嚟🍵，只味道就同一开始介绍嘅抹茶麻糬流心菠萝包一样，所以我就唔重覆讲啦☺️。不过值得讲嘅系曲奇嘅口感，因为我本身都几钟意食软曲奇，所以我对软曲奇嘅口感都有返一定嘅期望。呢只曲奇就做到松软嘅口感🥰，就算搣开嚟食啲碎都唔会跌到周围都系👍。但系大家要有个心理准备就系个曲奇表面真系几油下🤣，拎上手食会搞到成手都系油。应该系我食过最油腻嘅曲奇🥹。
🍪Epic chocolate cookie（$50）
之后要介绍嘅曲奇就系销量第一位嘅经典朱古力曲奇啦🏆。我自己就钟意呢款曲奇多啲啦，因为佢嘅朱古力味真系好浓😍。无论系曲奇嘅朱古力味🍫，定系入面嘅朱古力酱，味道都系一样咁浓郁。同埋佢拎上手系冇咁油腻架😎。个人认为钟意朱古力嘅朋友就一定要嗌啦🤩，绝对对得住销量no.1呢个名衔❤️🔥。
👉🏻整体嚟讲我觉得个价钱就真系有少少进取嘅，不过喺香港都冇咁机会食到美式曲奇店👾，畀贵少少就当系去咗次旅行啦🤣。
评分以🌕表示（满分为5）
卖相：🌕🌕🌕🌕🌘
味道：🌕🌕🌕🌕🌘
张贴
