影片
更多
2021-10-29
376 浏览
人气正宗手工意粉专门店—Pici近期食火锅、烧肉、汉堡食得太多，食到有啲闷，突然好想食意粉。于是就谂起之前同K先生食过的手工意粉。呢间位于湾仔「星街小区」的手工意粉店，系当区的人气餐厅，虽然系位于内街有啲难揾，但每逢LUNCH TIME都会大排长龙。手工意粉的口感、味道、同质感，同机器打出来的好唔同，绝对系令你一食就难以忘怀既。PICI系由意大利籍的主厨主理，主打全手工的新鲜意大利面，听讲佢地的意粉系唔会放超过24小时架，保证新鲜。云游大思已经试过佢地好多种唔同的手工意粉，包括寛条面、千层面、扁意粉、长通粉等等，佢地的手工意粉好重蛋味，打得好弹耳，绝对系会回头一食再食的级别。除左意粉之外，佢地的甜品Tiramisu都系必食架，虽然云游大思系好钟意食Tiramisu，暗暗地自然会加左少少不，不过呢个真系好好食，系云游大思自君悦的Tiramisu以来，排第2/3个好味架。头盘：面包 ＆ Chef's Selection Cold Cuts ＆ Baby Kale Salad面包系用纸袋装住，好有特色，法包虽然有啲硬，但点埋个Olive Oil。Parma ham, coppa ham咸香十
近期食火锅、烧肉、汉堡食得太多，食到有啲闷，突然好想食意粉。于是就谂起之前同K先生食过的手工意粉。呢间位于湾仔「星街小区」的手工意粉店，系当区的人气餐厅，虽然系位于内街有啲难揾，但每逢LUNCH TIME都会大排长龙。
手工意粉的口感、味道、同质感，同机器打出来的好唔同，绝对系令你一食就难以忘怀既。PICI系由意大利籍的主厨主理，主打全手工的新鲜意大利面，听讲佢地的意粉系唔会放超过24小时架，保证新鲜。云游大思已经试过佢地好多种唔同的手工意粉，包括寛条面、千层面、扁意粉、长通粉等等，佢地的手工意粉好重蛋味，打得好弹耳，绝对系会回头一食再食的级别。除左意粉之外，佢地的甜品Tiramisu都系必食架，虽然云游大思系好钟意食Tiramisu，暗暗地自然会加左少少不，不过呢个真系好好食，系云游大思自君悦的Tiramisu以来，排第2/3个好味架。
头盘：面包 ＆ Chef's Selection Cold Cuts ＆ Baby Kale Salad
面包系用纸袋装住，好有特色，法包虽然有啲硬，但点埋个Olive Oil。Parma ham, coppa ham咸香十足既冷盘，好香口，再加埋个Kale Salad好fresh，配合起嚟可以中和个咸味，系唔错的选择。而云游大思系好钟意Kale架。
Classic Lasagna
经典牛肉千层面焗得好香，表面有脆脆芝士层，面条重蛋味唔干身，配合酸蕃茄酱同芝士白酱，夹埋中间的咸香牛肉碎，冲击味觉享受，又唔太漏，真系好好味。
Fettuccine Pork Sausage
辣味猪肉肠寛面，个辣汁系少少辣的，但好有刺激味道的感受，配埋个寛面系一个好好的配搭。呢款都系可以再Encore的款式。
甜品系云游大思最钟意的Tiramisu，custard味几重，好creamy，手指饼浸得啱啱好湿，咖啡味好浓，口感一流。
地址：湾仔进教围16号地舖
整体评分：８分
整体环境简约，Bar枱设计未必坐得舒服同埋可能有少少迫，但胜在食物质素高挽回不少分数，正宗手工意大利面，出品劲优质同妹味，甜品的Tiramisu劲度推介要叫嚟食呀，真系好好味架。
云游大思列为属「推荐回头级别」。
#cloudtourmaster #hkfoodies #hkig #hkfoodlover #hkfoodblogger #hkfoodblog
#hkfood #hkeat #foodiehk #foodiegram #foodlovers #foodiegraphy #foodstagrams #hkfoodporn #hkfoodblogger #hkfoodblog #foodie #hkfoodie #picihk #香港美食 #美食推荐 #湾仔美食
张贴
