漁場台風

营业中

休息中

今日特登出黎食沾面💛排左大概半个钟，排到一半店员会俾纸落单。天气热，店员仲会主动派水俾等位既客，加分加分鱼介豚骨沾面 $83 + 半熟蛋 $15佢标榜面量系平时其他铺既1.5倍，我惊食唔哂所以拣左少面。一黎先试左汤底，好够热，好浓既鱼介香～再试埋面，食到面粉香，有咬口。原来叉烧系切粒，同笋一样跟汤上，叉烧偏瘦同硬，而笋就唔错，脆得黎又食到笋香。半熟蛋就咸左啲啲。沾面汁始终相对浓味，加啲柠檬汁落个面度食落会清爽啲，不过钟意重口味既我食到一半就加左啲蒜蓉。食哂个面再加清汤饮，好饱都忍唔住饮左大半碗。