影片
更多
2024-07-08
3102 浏览
见到社交平台好几个post都有分享去呢间由泰国人主理嘅餐厅，话哂本身个人都好热气嘢，所以就走咗去试噜~嚟到厅嘅时间大概系18:30，喺呢个未算系人流嘅高峰期，我地前面已经有7枱排紧队了，一行两人嘅我地系第8枱，成三十几度喺条街度企其实都真系几热，店住有将餐牌贴喺出面，方便外卖同堂食客睇定想叫啲咩食先。再望入餐厅入面，佢真系全场爆满，个个都叫到成枱嘢食，睇嚟如果唔想等位嘅话，平日要六点入座先得。喺等位嘅期间，不停见到有人嚟叫/啰外卖，由此可见佢都几受居民欢迎。等咗半个钟终于入座了，曾经听人讲要排几个钟队先入到去食，所以我谂半个钟算快~ 嗱嗱声叫咗三样嘢食：醉猫炒河、烧牛肉、泰式椰汁鸡汤烧牛肉（$138）：份量足，就咁食牛肉都有淡淡蜜糖甜味，带出牛肉嘅鲜味，值得一提嘅系牛肉烧得啱啱好，唔会嚡涩涩。蘸咗泰式辣酱嘅牛肉就超惹味，辣酱味道似系以现成嘅酱加工而成，美中不足。泰式椰汁鸡汤（$108）：椰汁鸡汤好足料，有极多汤料，椰汁味突出，味道小辣鲜味可口，两个人叫细嘅份量刚刚好。醉猫炒河（$88）：肉碎份量好多，味道只有bb辣，整体调味贴合香港人嘅口味，宽河粉份量可以多少少，咁就大满足。以一个钟头
嚟到厅嘅时间大概系18:30，喺呢个未算系人流嘅高峰期，我地前面已经有7枱排紧队了，一行两人嘅我地系第8枱，成三十几度喺条街度企其实都真系几热，店住有将餐牌贴喺出面，方便外卖同堂食客睇定想叫啲咩食先。再望入餐厅入面，佢真系全场爆满，个个都叫到成枱嘢食，睇嚟如果唔想等位嘅话，平日要六点入座先得。喺等位嘅期间，不停见到有人嚟叫/啰外卖，由此可见佢都几受居民欢迎。
等咗半个钟终于入座了，曾经听人讲要排几个钟队先入到去食，所以我谂半个钟算快~ 嗱嗱声叫咗三样嘢食：醉猫炒河、烧牛肉、泰式椰汁鸡汤
烧牛肉（$138）：份量足，就咁食牛肉都有淡淡蜜糖甜味，带出牛肉嘅鲜味，值得一提嘅系牛肉烧得啱啱好，唔会嚡涩涩。蘸咗泰式辣酱嘅牛肉就超惹味，辣酱味道似系以现成嘅酱加工而成，美中不足。
烧牛肉
$138
207 浏览
0 赞好
0 留言
泰式椰汁鸡汤（$108）：椰汁鸡汤好足料，有极多汤料，椰汁味突出，味道小辣鲜味可口，两个人叫细嘅份量刚刚好。
泰式椰汁鸡汤
$108
174 浏览
0 赞好
0 留言
醉猫炒河（$88）：肉碎份量好多，味道只有bb辣，整体调味贴合香港人嘅口味，宽河粉份量可以多少少，咁就大满足。
醉猫炒河
$88
369 浏览
0 赞好
0 留言
以一个钟头用餐时间嚟讲，上菜速度算快，所有餐点都热辣辣即叫即整，个人食嘢比较慢，但都唔觉得好赶，整体感觉唔错，如果唔使排队嘅话一定会再回头。食紧嘅时候排队嘅人无减少过，待应态度可以，用餐体验愉快。
题外话/补充资料：
如果要将佢同九龙城泰X国比较，以烧牛肉嚟讲，我会拣后者，每一次食都好钟意佢个自家制嘅汁，超惹味。但以醉猫炒河嚟计，前者嘅调味更加贴合唔食得辣嘅人嘅口味，肉碎分量仲多啲添，所以两间餐厅，各有千秋。正如咸鱼青菜，各有所爱~
(以上食记乃用户个人意见 , 并不代表OpenRice之观点。)
张贴
