Mango Mania

营业中

休息中

呢一间mango mania不嬲都系肥鸡好想去朝圣嘅一间泰式甜品餐厅，父亲节𠮶日肥鸡终于有机会一尝究竟。咁肥鸡𠮶日呢就嗌咗两个甜品一个就系热情冰砖，热情冰砖上面除咗有主打主角芒果之外，仲有酸甜嘅菠萝，清爽嘅椰子肉，最灵都肥鸡觉得意外嘅系佢嘅冰竟然系沟咗奶，所以每掘一口冰嘅时候除咗食到清凉嘅感觉仲有珍珍奶香嘅味道涌入口腔，当然佢所有嘅生果都非常之新鲜食得出唔系罐头货。再配埋佢嘅炼奶同埋芒果汁，依家肥鸡谂起都好想食。第二个甜品就系芒果糯米饭，黎泰国餐厅食芒果糯米饭是常识吧 。 佢嘅糯米蒸得香甜入口软淋，配埋粒粒香甜芒果同埋浓厚嘅椰奶，呢一餐甜品又系冇得输。