影片
更多
2019-01-19
75 浏览
前排上网见到佐敦新开咗间「鱻88日本料理」日式餐厅，特别推出咗一系列活海鳗鱼菜式，仲有多款新食法，包括有人气嘅鳗鱼丼、活海鳗塌塌米、鳗鱼玉子蛋糕等。仲要每一款都系用新鲜海鳗制作，真材实料！男友至爱食鳗鱼，今日一于带佢嚟试下先。呢度除咗海鳗，都仲有好多其他嘢食，仲要系由星级厨师团队即席炮制天妇罗、铁板烧、浜烧、涮涮锅、寿司刺身等，我哋首先拣咗个小食一口芝士，表面金黄又香脆，内里芝士又软又流心，再加埋蓝莓酱，味道甜甜哋，又系另一种风味！食日本嘢又点少得刺身呢，真鲷薄切刺身超鲜甜呀，好似啱啱喺海捞上嚟嘅感觉，的确好新鲜，再加少少酸汁更加能带出佢嘅鲜味。甜虾同三文鱼都系我至爱，甜虾又甜又多膏，晶莹剔透，而三文鱼新鲜肥美。跟住拣番少少香口嘢，点咗两款串烧，自家制免治鸡肉串同埋长葱鸡串，免治鸡肉串有啲烧汁，点少少蛋酱就更美味。长葱鸡串一上台已经闻到香葱嘅味道，一口鸡肉，一口香葱，感觉清新。话明嚟食活海鳗架嘛，主角嚟啦，叫咗个活海鳗塌塌米，塌塌米非常香脆，而活海鳗肉嫩鲜甜，再加埋少少嘅鳗鱼汁，真系一个创新嘅配搭。另一款主打系蒲烧活海鳗鱼丼三食🍱：佢参考咗日本名古屋做法，制成三食，先将饭分为4份，先将
前排上网见到佐敦新开咗间「鱻88日本料理」日式餐厅，特别推出咗一系列活海鳗鱼菜式，仲有多款新食法，包括有人气嘅鳗鱼丼、活海鳗塌塌米、鳗鱼玉子蛋糕等。仲要每一款都系用新鲜海鳗制作，真材实料！男友至爱食鳗鱼，今日一于带佢嚟试下先。
呢度除咗海鳗，都仲有好多其他嘢食，仲要系由星级厨师团队即席炮制天妇罗、铁板烧、浜烧、涮涮锅、寿司刺身等，我哋首先拣咗个小食一口芝士，表面金黄又香脆，内里芝士又软又流心，再加埋蓝莓酱，味道甜甜哋，又系另一种风味！
食日本嘢又点少得刺身呢，真鲷薄切刺身超鲜甜呀，好似啱啱喺海捞上嚟嘅感觉，的确好新鲜，再加少少酸汁更加能带出佢嘅鲜味。甜虾同三文鱼都系我至爱，甜虾又甜又多膏，晶莹剔透，而三文鱼新鲜肥美。
跟住拣番少少香口嘢，点咗两款串烧，自家制免治鸡肉串同埋长葱鸡串，免治鸡肉串有啲烧汁，点少少蛋酱就更美味。长葱鸡串一上台已经闻到香葱嘅味道，一口鸡肉，一口香葱，感觉清新。
话明嚟食活海鳗架嘛，主角嚟啦，叫咗个活海鳗塌塌米，塌塌米非常香脆，而活海鳗肉嫩鲜甜，再加埋少少嘅鳗鱼汁，真系一个创新嘅配搭。
另一款主打系蒲烧活海鳗鱼丼三食🍱：佢参考咗日本名古屋做法，制成三食，先将饭分为4份，先将第1份加落碗试一试最最basic嘅味道；第2份就加啲配料(粟米粒，紫菜，wasabii同埋葱)，第3份就系加入热茶变成茶渍汤饭，最后1份大家可以encore食番想食𠮶款味道，我自己就最钟意原味啦，鳗鱼肉厚又鲜甜，真系very good。
呢度啲店员仲好好服务添，不停帮客人加茶水，好窝心啊！男友今日超开心，佢话除咗去日本，好耐都无食过咁新鲜嘅鳗鱼啦！下次要再嚟咁话㖞！
张贴
