影片
更多
2018-03-22
69 浏览
大角咀呢个地方越黎越多食肆，要站得住脚唔容易。今日收工约左朋友过大角咀揾食，之前睇完食评，决定试下呢间西餐厅。晚市套餐都几抵食，但心思思想试下个个都赞好嘅黑松露pizza，又想食意大利饭，都系散叫算。呢个就系我见食评必点嘅pizza，佢夹左黑松露同芝士，口感好特别，外脆内软，其实唔系咁似pizza，有啲似酥酥软软嘅夹饼，好香好多芝士，我钟意就咁食，朋友话加左提子醋冇咁漏，酸酸甜甜。虎虾龙虾汁意大利饭，饭嘅质地好，汁够浓，粒粒分明，好惊糊状意大利饭。呢个饭份量好大，食完都饱左大半。12安士肉眼配薯菜，全晚我最钟意嘅菜式，五成熟肉眼油脂平均，满口油香又嫩，配埋热辣辣野菌汁正！加左$25要左个忌廉菠菜，冇谂过配菜都有咁大碟，性价比好高！总括黎讲呢餐我都好满意，埋单六百蚊两个人，食到揽住个大肚腩走！
晚市套餐都几抵食，但心思思想试下个个都赞好嘅黑松露pizza，又想食意大利饭，都系散叫算。
呢个就系我见食评必点嘅pizza，佢夹左黑松露同芝士，口感好特别，外脆内软，其实唔系咁似pizza，有啲似酥酥软软嘅夹饼，好香好多芝士，我钟意就咁食，朋友话加左提子醋冇咁漏，酸酸甜甜。
虎虾龙虾汁意大利饭，饭嘅质地好，汁够浓，粒粒分明，好惊糊状意大利饭。呢个饭份量好大，食完都饱左大半。
12安士肉眼配薯菜，全晚我最钟意嘅菜式，五成熟肉眼油脂平均，满口油香又嫩，配埋热辣辣野菌汁正！加左$25要左个忌廉菠菜，冇谂过配菜都有咁大碟，性价比好高！
总括黎讲呢餐我都好满意，埋单六百蚊两个人，食到揽住个大肚腩走！
张贴
