嘉寶漢堡 (和益中心)

营业中

休息中

食过多次，每日中午、晚上时段都超多人既爆灯汉堡店，但食物味道仍能保持一定水准。而且另一好处系可以自己弹性配搭食材。蜜糖芥末菠萝猪堡菠萝烤得香甜，猪肉内加入疑似软骨令到更有咬口，超多肉汁超juicy，而且厚度十足酱料味道配搭适宜，唔会过甜或过辣。烤菇芝士牛堡汉堡烤得香脆，馅料牛肉同样肉质做得好，烤菇size超大但不断出水，食得颇为论尽。炸蕃薯条、薯条蕃薯条炸得外层脆口有、内里柔软香甜，唔使点酱都好够味。反而粗薯条就相对炸得唔够香脆，内里较粉无咩薯仔味，但起码唔会出现淋左既状况。炸烧卖虽然只系普通鱼肉粉烧卖，但炸得刚好弹牙唔太硬，且加左椒盐粉更惹味。