人和月雞煲火鍋店 (已結業)

今日收工约咗朋友去人和月打边炉，一入到去觉得个环境几企理，唔会话好迫，都有足够既空间。今次我地叫左味鲜卜卜蚬，之后我哋就出去睇吓有咩食，啲嘢食都放得几干净。拎咗啲熟食去试吓，唔知系咪日日款式都唔同。拎咗泰式猪颈肉，都几香口几惹味。仲拎咗啲炸鱼蛋试下，都系正常嘅。另外我最爱系佢𠮶个清汤腩，入面好多牛肉炆得好腍，不过都系唔好食咁多一阵食饱咗个肚。坐多阵之后个卜卜蚬就嚟咗，入面啲蚬都几大只，食落口都几甜同埋都冇沙。另外仲有好多虾，因为我好钟意食虾嘅关系，所以都好满意。呢度价钱都几抵，一个价钱可以食到两个锅。之后我哋就转左野菌冬瓜汤做边炉汤底，呢度嘅自助区喺放题区来讲几出色，蔬菜好新鲜同埋好卫生，食得好放心。之后就上咗牛拼盘，啲牛肉好重牛味，重点推介牛下肩，因为可以无限嗌嘅关系，真系几唔错。另外就食埋甜品，有雪糕同埋豆腐花仲有糖水，食到好饱。