噢吧煲煲掂

营业中

休息中

天气凉凉，又开始有煲仔饭食啦。🤤去开太子去左白杨街呢间*噢吧煲煲掂*，行到门口，见到成间铺都坐满哂人，唯有等一阵，一路等一路闻到香喷喷，好肚饿呀。好彩等左一阵就有得入座。我地叫左两款煲仔饭，呢度叫个饭都会送老火汤，个汤好正，好浓真材实料。腊肠豉汁白鳝煲仔饭，唔系度度都食到鳝既煲仔饭，见到一定叫。白鳝嘅油脂令成个饭好，专登焗多阵焗啲饭焦出黎，好惹味。腊肠鲜牛煲仔饭再加只窝蛋，鲜牛嫩滑，里边有杞子红枣，提升左个鲜味。见到隔离枱食羊腩煲，一路食一路赞，下次再黎试埋先。