齊柏林熱狗店 (錦薈坊)

营业中

休息中

成日听朋友讲食齐柏林热狗店，原来屯门都有分店，紧系要黎食下佢既招牌热狗同汉堡啦！呢间店都有位置可以堂食，咁就可以趁热食喇！🍔齐柏林Double汉堡(套餐)配薯饼+无糖可乐我好钟意汉堡包既口感，非常松软！两块汉堡扒就好厚而且食到肉既质感同味道！有别于一般大型快餐店，而且仲热到出烟，趁热食好好食!就算唔系早餐都可以拣配薯饼，香脆热辣辣！饮品就拣左无糖可乐！⭐🌭火炙芝士辣肉酱热狗(套餐)配细薯条+无糖可乐作为皇牌的确实至名归。包同样松软热辣，配上多重芝士，口感更丰富!作为芝士控，极多芝士拉丝，劲满足！肉酱唔算太辣，热狗肠大条脆皮！薯条系我喜欢既粗薯条，可以食到啖啖既薯仔肉！