影片
更多
2021-06-30
121 浏览
食得住家饭多有时都会想加𩠌食下烧味～朋友介绍烧味卤师干净企理质素有保证，开咗唔够一年已经越开越多分店，今日嚟开长沙湾就帮衬下试试佢。烧味卤水种类五花八门，经过嘅伯伯都话啲挂炉烧鹅几正。做紧新张优惠益街坊，烧味饭都只系22蚊盒，而家真系唔知喺边度揾。跟下伯伯眼光嗌咗半只至尊烧鹅，卤水汁另外袋上好贴心，可以返屋企先淋上，保持番烧鹅嘅脆皮。半只烧鹅份量都唔可以睇少，烧鹅几厚肉唔会太干，钟意食皮食肉嘅都可以满足到。要咗50蚊烧味佬叉烧，叉烧肥瘦均匀，我自己偏好烧到带啲㶶边嘅叉烧，搽麦芽糖烧过特别香，捞饭一流。天气热辣辣食手撕鸡就啱晒，依度分别有原味、麻辣、胡麻海蜇手撕鸡，今次就拣咗原味－手撕鸡鸡皮脆口，鸡肉亦几嫩唔怕嚡，屋企人话食到有少少沙姜味，唔会太浓味，如果麻油香重啲更正～
朋友介绍烧味卤师干净企理质素有保证，开咗唔够一年已经越开越多分店，今日嚟开长沙湾就帮衬下试试佢。
烧味卤水种类五花八门，经过嘅伯伯都话啲挂炉烧鹅几正。做紧新张优惠益街坊，烧味饭都只系22蚊盒，而家真系唔知喺边度揾。
跟下伯伯眼光嗌咗半只至尊烧鹅，卤水汁另外袋上好贴心，可以返屋企先淋上，保持番烧鹅嘅脆皮。半只烧鹅份量都唔可以睇少，烧鹅几厚肉唔会太干，钟意食皮食肉嘅都可以满足到。
要咗50蚊烧味佬叉烧，叉烧肥瘦均匀，我自己偏好烧到带啲㶶边嘅叉烧，搽麦芽糖烧过特别香，捞饭一流。
天气热辣辣食手撕鸡就啱晒，依度分别有原味、麻辣、胡麻海蜇手撕鸡，今次就拣咗原味－手撕鸡鸡皮脆口，鸡肉亦几嫩唔怕嚡，屋企人话食到有少少沙姜味，唔会太浓味，如果麻油香重啲更正～
张贴
