Bread and Bistro (已結業)

约左朋友下午去黄竹坑Party Room玩，未够钟见肚饿就系附近揾食，以为工业区得工厦茶餐厅，点知系地铁站对面就见到间环境唔错既Cafe，估唔到假日都咁多人，二话不说就行入去试下。自家制黑松露酱牛油果蟹肉沙律先叫左个沙律，沙律菜爽口清新，加上黑醋汁酸酸甜甜好开胃，蟹肉份量非常多，作胃开胃菜一流。All day breakfast 配烟三文鱼好大碟好丰富，材料多不胜数，每一样都好好食，除左烟三文鱼亦都可以拣汉堡扒。时令水果梳乎厘班戟本身都食到饱饱地，但见到梳乎厘班戟又点忍到口，即叫即整，口感松软，加上忌廉更香更滑，就算有三大件都好快食哂。