那個ㄋㄚˋ ㄍㄜ (仁愛堂街)

营业中

休息中

究竟系那个排队夸张？定系那个大件夹抵食？我话那个真系好好食。收工经过又排队，我真系好唔钟意排队呢种感觉，我喺度谂真系咁好食咩🤔，好啦，我决定买外卖返去同屋企人一齐食。买咗两个饭盒，一个招牌嘅卤排骨便当，返到去一打开个盒，下！咁黑嘅，不过可能系卤水汁关系所以较深色，但系都要食㗎，𠮶块排骨好厚好大块，虽然系炸，但咬落去口感又几松软，唔干唔嚡口，配饭一流。另一个系葱烧猪颈肉便当，猪颈肉爽滑弹牙惹味焦香再加配菜粟米系我嘅至爱。食物外卖返到屋企依然够热同好食，难怪人气爆棚啦，下次如果有机会唔使排队，我一定会堂食，如果再排队我都会encore外卖返屋企食🤭